მოგესალმებით,🔊🔊🔊

COVID-19-ის პრევენციის მიზნით, გაცნობთ დაავადებათა კონტროლისა და საზოგადოებრივი ჯანმრთელობის ეროვნული ცენტრისგან, ინფრასტრუქტურულ პროექტში ჩართული კომპანიებისთვის, მიღებულ რეკომენდაციებს:

. თანამშრომელთა სამსახურეობრივი ავტობუსით (ან სხვა სატრანსპორტო საშუალებით) ჯგუფურად მგზავრობის შემდგომ უნდა განხორციელდეს ავტოსატრანსპორტო საშუალების შიგა პერიმეტრის (მძღოლის და მგზავრთა არეალი) დეზინფექცია;

• უნდა შეიზღუდოს და/ან აიკრძალოს გრიპისმაგვარი დაავადებების სიმპტომების (მაღალი ტემპერატურა, ან ხველა, ან სურდო, სუნთქვის გაძნელება) მქონე თანამშრომელთა სამსახურში დაშვება სიმპტომების გამოვლენიდან მინიმუმ 7 დღით;

• საქართველოს საზღვრის გადმოკვეთიდან 14 დღის განმავლობაში უნდა აიკრძალოს უცხოეთიდან დაბრუნებული თანამშრომლის სამსახურში გამოცხადება, ანაზღაურების შენარჩუნებით;

• შეიკავეთ თავი საჯარო ღონისძიებების ორგანიზებისგან და ხალხმრავალი შეხვედრების გამართვისგან. სანაცვლოდ, შესაძლებელია ონლაინ შეხვედრების ჩატარება;

• უნდა აიკრძალოს დაავადებულთან ახლო კონტაქტში მყოფი თანამშრომლის სამსახურში გამოცხადება საიზოლაციო (საკარანტინო) ვადის დასრულებმდე;

• დააწესეთ ზედამხედველობა თანამშრომლების ჯანმრთელობაზე. ამ მიზნით, რეკომენდებულია შეიმუშაოთ სპეციალური კითხვარი (იხილეთ დანართი, რომელშიც მოცემულია ის კითხვები, რომლებიც აუცილებლად უნდა აისახოს შემუშავებულ სპეციალურ კითხვარში), რომლის შევსების შემდეგაც დაუშვებთ თანამშრომლებს ობიექტზე/სამუშაო სივრცეში;

• შეძლებისდაგვარად, შეზღუდეთ 70 წელს გადაცილებული ან რაიმე ქრონიკული დაავადებების მქონე პირების ახლო კონტაქტი სხვა თანამშრომლებთან;

• განსაზღვრეთ „სასიცოცხლოდ მნიშვნელოვანი“ თანამდებობისა და ფუნქციის მქონე პირები. მათი ფუნქციების (საქმიანობის) შეუფერხებლად გასაგრძელებლად, გადაამზადეთ სხვა თანამშრომელი ან უზრუნველყავით მათ გარეშე (დისტანციური) მუშაობის შესაძლებლობა;

• მოიმარაგეთ ჰიგიენური საშუალებები (საპონი, ხელსახოცი, ხელების სადეზინფექციო საშუალებები), მათ შორის ინდივიდუალური გამოყენების. ხელების სადეზინფექციო საშუალებები განათავსეთ თვალსაჩინო და ხშირი მოძრაობის ადგილებში;

• სამსახურში განსაკუთრებული სიტუაციის წარმოქმნის მზადყოფნისთვის იქონიეთ პირბადეებისა და სხვა ინდივიდუალური დაცვის საშუალებების აუცილებელი მინიმალური მარაგი;

• თანამშრომლებს უნდა მიაწოდოთ ინფორმაცია ხელების ჰიგიენისა და სადეზინფექციო საშუალებების მოხმარებისა და ხველა/ცემინების ეტიკეტის დაცვის შესახებ;

• თანამშრომლებმა სამუშაოების წარმოებისთვის განკუთვნილი ტანსაცმელი უნდა გამოიყენონ მხოლოდ ობიექტზე (ველზე) მუშაობისას;

• სამსახურში განსაზღვრეთ თანამშრომლებისთვის ინფორმაციის მიწოდებაზე პასუხისმგებელი პირი;

• აუცილებლობლობის გარდა, შეზღუდეთ (გააუქმეთ) ტრენინგები, სამუშაო თუ სხვა სახის ჯგუფური შეხვედრები;

• შეძლებისდაგვარად, შექმენით 2 ან მეტი თანაბარძალოვანი ჯგუფი, რომლებიც სამუშაოს ერთმანეთისგან დამოუკიდებლად შეასრულებენ და საჭიროების შემთხვევაში შეეძლებათ ერთმანეთის ჩანაცვლება. ერთი ჯგუფის მეორეთი ჩანაცვლების პერიოდში, აუცილებელია ჩატარდეს სადეზინფექციო სამუშაოები;

• დასაქმებული თანამშრომლის COVID-19-ის დადასტურების შემთხვევაში, დაუყოვნებლივ უნდა აცნობოთ დამკვეთს და საზოგადოებრივი ჯანმრთელობის მუნიციპალურ ცენტრს. დამატებით, აუცილებელია COVID-19-ით დაავადებულთან ახლო კონტაქტში მყოფი პირების თვითიზოლაცია 14 დღის განმავლობაში.

🔵 გთხოვთ, გაითვალისწინოთ ზემოაღნიშნული რეკომენდაციები.

გაცნობებთ, რომ ,,სოფლად მეწარმეობის განვითარების ხელშეწყობა“ პროგრამასთან დაკავშირებული განაცხადების შემოტანის ვადა გახანგრძლივდა 2020 წლის 1 მაისამდე.
დამატებითი კითხვების შემთხვევაში გთხოვთ მოგვმართოთ:
📌მობ.: 557 670007; 557 722936
📌ელ.ფოსტა: ajarachamber@gmail.com
📌ასევე Fb messengeri-ის საშუალებით

კორონა ვირუსის პანდემიასთან დაკავშირებით აჭარის ა.რ სავაჭრო-სამრეწველო პალატა უსაფრთხოების მიზნით გადადის საგანგებო დისტანციური მუშაობის რეჟიმზე.
✅პალატის სერვისების მიღებასა და სხვა საკითხებთან დაკავშირებით გთხოვთ მოგვმართოთ:
📌მობ.: 577 921766; 577 289070; 599 043232;
📌ელ.ფოსტა: ajarachamber@gmail.com
📌ასევე Fb messenger-ის საშუალებით

დღეის მდგომარეობით პალატას უკვე მოგვმართა 82-მა ბენეფიციარმა.
♻️დაფინანსება შეადგენს პოტენციური ბენეფიციარების მიერ წარდგენილ განაცხადში საინვესტიციო ღირებულების 70 % და არაუმეტეს 100 000 ლარისა.
ბენეფიციარების თანამონაწილეობა აუცილებლად უნდა იყოს 30%, ხოლო ბენეფიციარის მიერ წარდგენილი საინვესტიციო პროექტის ღირებულება უნდა შეადგენდეს არანაკლებ 5 000 ლარს.
✅დაინტერესებულ პირებს შეგიძლიათ მოგვამრთოთ აჭარის ა.რ სავაჭრო-სამრეწველო პალატაში შემდეგ მისამართზე:
ქ.ბათუმი, მელაშვილის ქ. 26 ტელ: +995 422 27 28 43 ან +995 557 67 00 07

✅28 თებერვალს აჭარის ა.რ სავაჭრო-სამრეწველო პალატამ ურთერთთანამშრომლობის მემორანდუმი გააფორმა ტექსტილის მწარმოებელ კომპანიებთან.
დოკუმენტს ხელი მოაწერეს აჭარის ა.რ სავაჭრო-სამრეწველო პალატის თავმჯდომარემ ნიკა ჩხარტიშვილმა და შპს ,,აჭარა ტექსტილე“-ს, შპს ,,BTM- TEXTILE“-ს, შპს ,,GEOFIBRE“-ს და შპს ,,ბათუმიტექს“-ის დირექტორებმა.
🤝მემორანდუმის თანახმად, პალატა თავისი კომპეტენციისა და უფლებამოსილების ფარგლებში კომპანიებს გაუწევს ყოველგვარ თანადგომასა და დახმარებას მუშახელის მოძიებაში, რომელსაც ტექსტილის მწარმოებელი კომპანიები გადაამზადებენ დასაქმების გარანტიით, თუ ისინი წარმატებით გაივლიან უფასო სწავლების კურსებს. გაუწევს შუამდგომლობასა და დახმარებას რეგიონალურ და ცენტრალური ხელისუფლების დონეზე, რათა ახალი ინვესტიციების მოზიდვისა და მათი განთავსების მომენტში განხილულ და გათვალისწინებულ იქნას მუშახელის პოვნის პრობლემები. ამით დახმარება აღმოეჩინება როგორც არსებულ საინვესტიციო ასევე მომავალში დაგეგმილ ახალ საფეიქრო დარგის პროექტებს .

📣აჭარის ა.რ. სავაჭრო-სამრეწველო პალატა სთავაზობს თანამშრომლობას ბიზნეს-გეგმების შემუშავებაში გამოცდილ ფიზიკურ/იურიდიულ პირებს, რათა კონკურსში მონაწილე ბენეფიციარებს პალატამ გაუწიოს რეკომენდაცია კვალიფიციური სერვისის გამწევი პირების შესახებ.

დაინტერესებულმა პირებმა მოგვმართეთ შემდეგ მისამართზე:
ქ. ბათუმი მელაშვილის ქუჩა № 26; ტელ: +995 422 27 28 43 ან +995 557 67 00 07

🇬🇪🇹🇷26 თებერვალს აჭარის ა.რ სავაჭრო-სამრეწველო პალატის თავმჯდომარე ნიკა ჩხარტიშვილი თურქეთის რესპუბლიკის გენერალური საკონსულოს ორგანიზებით მიწვეული იყო ართვინის გუბერნიაში.
✅ვიზიტის მიზანს წარმოადგენდა ართვინსა და ბათუმს შორის ტურისტული პოტენციალის გაღრმავება და განვითარება. ასევე გაიმართა B2B შეხვედრები, რომლის შედეგადაც ჩამოყალიბდა კონკრეტული საქმიანი კავშირები ბათუმისა და ართვინის ტუროპერატორებსა და ტურისტულ სააგენტოებს შორის.
✅შეხვედრას ესწრებოდნენ ართვინის გუბერნატორი ილმაზ დორუქი, ართვინის სავაჭრო-სამრეწველო პალატის თავჯდომარე სეჩკინ ქურთი, თურქეთის რესპუბლიკის გენერალური კონსული ბათუმში ქალბატონი მაქბულე კოჩაქი, სავაჭრო ატაშე ქალბატონი ფეიზა ერდოღანი და მისი მოადგილე ასლან კოჩალიძე, აჭარის ა.რ სავაჭრო-სამრეწველო პალატის ახალგაზრდა ბიზნესმენთა ასოციაციის თავმჯდომარე ლაშა ბოლქვაძე და ტურიზმის სექტორის წარმომადგენლები.

✅24-25 თებერვალს თბილისში აჭარის ა.რ სავაჭრო-სამრეწველო პალატის თანამშრომლებმა სამუშაო შეხვედრები გამართეს ,,აწარმოე საქართველოში“ სააგენტოსა და საპარტნიორო ფონდის წარმომადგენლებთან.
🔵შეხვედრების მიზანი იყო 2020 წელს გამოსაცხადებელი პროექტის პირობების შესახებ დეტალური ინფორმაციის მიღება. აჭარის ა.რ სავაჭრო-სამრეწველო პალატა მზად არის დაეხმაროს აჭარის მუნიციპალიტეტებში პოტენციურ ბენეფიციარებს აპლიკაციების შევსებაში, ბიზნესგეგმების შედგენაში და ყველა შესაძლო საჭირო კონსულტაციის მიწოდებაში.
✅პალატა წარმოადგენს შუამავალ რგოლს მეწარმე სუბიექტებსა და სახელმწიფო ორგანოებს შორის. ტრენინგისა და კონსულტაციების შედეგად აღჭურვილი შესაბამისი ახალი პროგრამების შესახებ ინფორმაციით პალატას საშუალება აქვს ადგილობრივ მეწარმეებს კვალიფიციური სერვისი მიაწოდოს.

✅აჭარის ა.რ სავაჭრო-სამრეწველო პალატის თავმჯდომარე ნიკა ჩხარტიშვილი და თავმჯდომარის მოადგილე ნინო დოლიძე საქართველოს საერთაშორისო ინვესტორთა ასოციაციის თავმჯდომარეს ოსმან ჩალიშქან-მჟავანაძეს ესტუმრნენ.

შეხვედრაზე ასოციაციის თავმჯდომარე სტუმრებს ასოციაციის საქმიანობასა და სამომავლო გეგმებზე ესაუბრა.

  ✅სავაჭრო-სამრეწველო პალატის თავმჯდომარემ განსაკუთრებული ყურადღება გაამახვილა ბათუმში საერთაშორისო ბიზნეს გამოფენების ორგანიზებასა და რეგიონისთვის მის მნიშვნელობაზე.

✅დღეს, აჭარის სოფლის მეურნეობის სამინისტროს, აჭარის სავაჭრო-სამრეწველო პალატასა და შპს „აჭარის წყალი ჯორჯია“-ს შორის ურთიერთთანამშრომლობის მემეორადუმი გაფორმდა, რომელსაც ხელი მოაწერეს სოფლის მეურნეობის მინისტრმა ტიტე აროშიძემ, აჭარის ა.რ სავაჭრო-სამრეწველო პალატის თავმჯდომარემ ნიკა ჩხარტიშვილმა და შპს „აჭარის წყალი ჯორჯია“-ს წარმომადგენელმა პრაშანტ ვასანტ ჯოშმა.
✅პალატა გამოხატავს მზადყოფნას განახორციელოს ,,პროგრამაში“ ჩართვის მსურველთა ტექნიკური და საკონსულტაციო დახმარება განაცხადის შევსებისა და საჭიროების შემთხვევაში, შესაბამისი ბიზნეს გეგმების შედგენაში;
🤝მემორანდუმს საფუძვლად უდევს აჭარის სოფლის მეურნეობის სამინისტროს პროგრამა „სოფლად მეწარმეობის განვითარების ხელშეწყობა“-ს ფარგლებში სოფლისა და სოფლის მეურნეობის დარგის განვითარების ხელშეწყობა.