ბათუმში შავი ზღვის თაფლის ფესტივალი გაიხსნა

21.08.2026

20 лет ზღვის თაფლის ფესტივალი ოფიციალურად გაიხსნა.

ღონისძიება „აჭარის მეფუტკრეობის ბიზნეს ასოციაციის“ ორგანიზებით, აჭარის სავაჭრო-სამრეწველო პალატისა და აჭარის ა.რ. სოფლის მეურნეობის სამინისტროს მხარდაჭერით იმართება.

ფესტივალის გახსნის ოფიციალურ ცერემონიას აჭარის ავტონომიური რესპუბლიკის მთავრობის თავმჯდომარე, მთავრობის წევრებთან და ადგილობრივი ხელისუფლების წარმომადგენლებთან ერთად დაესწრო.

სტუმრები ადგილზე გაეცნენ წარმოდგენილ საგამოფენო სივრცეებს, გაესაუბრნენ მეფუტკრეებს და დარგის განვითარების მნიშვნელობაზე ისაუბრეს.

ორდღიანი ფესტივალის ფარგლებში ვიზიტორებს შესაძლებლობა აქვთ გაეცნონ და შეიძინონ:

თაფლისა და ფუტკრის პროდუქტების მრავალფეროვანი ასორტიმენტი — უმაღლესი ხარისხის ნატურალური ნაწარმი უშუალოდ ადგილობრივი მეწარმეებისგან;

დარგობრივი ექსპოზიცია — მეფუტკრეობის თანამედროვე ინვენტარი, ტექნოლოგიები და აქსესუარები;

კულინარიული ნაწილი — გასტრონომიული შოუები თაფლის გამოყენებით;

კულტურულ-გასართობი პროგრამა — თემატური საბავშვო აქტივობები და მუსიკალური ნომრები.

ღონისძიების მიზანია რეგიონში მეფუტკრეობის დარგის პოპულარიზაცია, ადგილობრივი აგრობიზნესის გაძლიერება, მწარმოებლებსა და მომხმარებლებს შორის პირდაპირი კავშირების დამყარება და ეკოტურიზმის პოტენციალის წარმოჩენა.

ფესტივალი ევროპის მოედანზე 20–21 აგვისტოს განმავლობაში, 12:00-დან 22:00 საათამდე გაგრძელდება.