აჭარის ა/რ სავაჭრო სამრეწველო პალატის თავმჯდომარე გიორგი რომანაძე და თავმჯდომარის მოადგილე ნუგზარ მიქელაძე  Müsiad Batum / მუსიად ბათუმი-ს თავმჯდომარეს ჰამზა ქოსეს შეხვდნენ.

შეხვედრის მთავარი თემა ორ ქვეყანას შორის სავაჭრო-ეკონომიკური ურთიერთობების გაღრმავების პერსპექტივები, იმპორტ-ექსპორტის საკითხები  და ამ მიმართულებით სავაჭრო პალატასა და მუსიად ბათუმს შორის თანამშრომლობის საკითხები იყო.

ამ თანამშრომლობისა და მუსიად ჩორუმისა და მუსიად სამსუნის ბათუმში ვიზიტის  ფარგლებში ჩატარდა ორმხრივი  B2B  შეხვედრები თურქ და ქართველ ბიზნესმენებს შორის.  შეხვედრაზე წარმოდგენილი იყვნენ თურქული კომპანიები სხვადასხვა სექტორებიდან: ენერგეტიკა და გარემოს მრეწველობა, ქიმიური, ლითონის და სამთო მრეწველობა, ტექსტილის, ტყავის და ტანსაცმლის მრეწველობა, მომსახურების ინდუსტრია, IT სექტორი, მშენებლობა და სამშენებლო მასალები, კვების მრეწველობა, სოფლის მეურნეობა და მეცხოველეობა.

პალატის წევრ კომპანიებს შესაძლებლობა მიეცათ  დაემყარებინათ ბიზნეს კავშირები მსხვილ თურქულ კომპანიებთან, განეხილათ საინვესტიციო შესაძლებლობები, სამომავლო თანამშრომლობისა და პოტენციური პარტნიორობის პერსპექტივები.

შერატონ ბათუმში ადგილობრივ  ბიზნეს სექტორთან  შეხვედრა გაიმართა.

შეხვედრა პროფესიული უნარების სააგენტოს და საქართველოს სავაჭრო-სამრეწველო პალატის ერთობლივი ინიციატივით, აჭარის სავაჭრო-სამრეწველო პალატისა და აჭარის ავტონომიური რესპუბლიკის დასაქმების სააგენტოს მხარდაჭერით გაიმართა.

შეხვედრის მიზანი იყო პროფესიული განათლების მიმართულებით რეგიონში არსებული ვითარების განხილვა და კვალიფიციურ კადრებთან დაკავშირებით ბიზნეს სექტორის საჭიროებების მოსმენა.

ღონისძიებაში მონაწილეობა მიიღეს საჯარო და კერძო სექტორის წარმომადგენლებმა, ადგილობრივმა და საერთაშორისო ორგანიზაციებმა.

ბიზნეს სექტორისთვის წარმოდგენილი იყო პროფესიული უნარების სააგენტოსა და დასაქმების სახელმწიფო სააგენტოს სერვისების პრეზენტაცია – უნარები ბიზნესისთვის. შეხვედრაზე  წარმოადგინეს პროგრამები და  მონაწილეებს არსებული სერვისებისა და შესაძლებლობების შესახებ ინფორმაცია მიაწოდეს  საერთაშორისო  ორგანიზაციებმა [გაეროს განვითარების პროგრამა – UNDP ,  აშშ-ის საერთაშორისო განვითარების სააგენტო – USAID, აზიის განვითარების ბანკი – ADB,  გერმანიის საერთაშორისო თანამშრომლობის საზოგადოება – GIZ ]

შეხვედრის ბოლოს რეგიონული განვითარების საჭიროებებთან დაკავშირებით ღია დისკუსია გაიმართა.

აჭარის ა/რ სავაჭრო-სამრეწველო პალატის დელეგაცია სამდღიანი საქმიანი ვიზიტით თურქეთის ქალაქ კონიაში  იმყოფებოდა.

ვიზიტი, რომლის მიზანი ქვეყნებს შორის სავაჭრო-ეკონომიკური ურთიერთობების და საინვესტიციო კავშირების გაძლიერება იყო, Müsiad Batum/მუსიად ბათუმი-ის ორგანიზებით განხორციელდა.

პალატის დელეგაცია  სავაჭრო პალატის თავმჯდომარის  გიორგი რომანაძის  ხელმძღვანელობით ქ. კონიის სამრეწველო პალატას (KSO) ეწვია. დელეგაციას კონიას სამრეწველო პალატის ვიცე-პრეზიდენტმა ნეჯიპ ჩიმენმა უმასპინძლა.

შეხვედრაზე მხარეებმა ორ ქვეყანას შორის თანამშრომლობის პერსპექტივები განიხილეს, იმსჯელეს კონიასა და საქართველოს შორის ვაჭრობის გაზრდის ხელშემწყობ მექანიზმებზე.

ვიზიტის ფარგლებში გაიმართა შეხვედრა დამოუკიდებელ მრეწველთა და ბიზნესმენთა ასოციაცია “მუსიად კონია” ს წევრებთან,  შედგა  ორმხრივი  B2B მოლაპარაკებები თურქ და ქართველ ბიზნესმენებს შორის.  დელეგაციის წევრებმა ადგილობრივი ინდუსტრიული ზონები და სამრეწველო ობიექტები დაათვალიერეს: სამშენებლო მასალების კომპანია “უიზილბაშ ინშაათი”, ალუმინის პროფილების საწარმო  “ულუსანი” ,პლასტმასების საწარმო “ფეთექ პლასტი”,  ლიფტების საწარმო “SRL ელევატორ”, ბულდოზერების, გრეიდერების და ექსკავატორების სათადარიგო ნაწილების მწარმოებელი კომპანია სს “მოტუს”, რომელიც  მერსედესს, ბი ემ დაბლიუს და რენჯ როვერს მანქანის ნაწილებს აწვდის.

კონიას სამრეწველო პალატის ვიცე-პრეზიდენტმა მ.ზაჰიდ ჩატლიმ, გამგეობის წევრმა იუსუფ კუჩუკემეკმა და MUSIAD-ის ბათუმის ფილიალის პრეზიდენტმა ჰამზა კოსემ სტუმრებს კონიას ინდუსტრიის შესახებ ინფორმაცია მიაწოდეს.  ნეჯიპ ჩიმენმა აღნიშნა, რომ გასულ წელს კონიიდან საქართველოში 38 მილიონ დოლარზე მეტი ექსპორტი განხორციელდა და მზად არიან ყველა სახის მხარდაჭერა და თანამშრომლობა აღმოუჩინონ მეწარმეებს ექსპორტის გაზრდის  მიზნით.

სავაჭრო პალატის თავმჯდომარემ გიორგი რომანაძემ მადლობა გადაუხადა KSO-ს ვიცე-პრეზიდენტ ნეჯიპ ჩიმენს მასპინძლობისთვის და აღნიშნა, რომ საქართველოს, თურქეთსა და ევროკავშირს შორის დიაგონალური კუმულაციის ამოქმედების შედეგად შესაძლებელი გახდა თურქეთიდან იმპორტირებული ინდუსტრიული ნედლეულის საფუძველზე დამზადებული პროდუქცია თავისუფალი ვაჭრობის რეჟიმით შევიდეს ევროკავშირის ბაზარზე, და გამოთქვა სურვილი უფრო მეტმა  თურქ მეწარმემ ისარგებლოს ამ უპირატესობით.

სავაჭრო პალატის დელეგაციას ასევე წარმოადგენდნენ პალატის თავმჯდომარის მოადგილე ნუგზარ მიქელაძე და პალატის წევრი ბიზნესმენები.

აჭარის ა/რ სავაჭრო-სამრეწველო პალატაში სამუშაო შეხვედრა გაიმართა. შეხვედრა პროფესიული განათლების ხელშეწყობისა და პროფესიულ სასწავლებლებსა და ბიზნეს-სექტორს შორის  თანამშრომლობის საკითხებს ეხებოდა.

სამუშაო შეხვედრაში მონაწილეობდნენ სავაჭრო პალატის თავმჯდომარე გიორგი რომანაძე, თავმჯდომარის პირველი მოადგილე ნინო დოლიძე, პროფესიული უნარების სააგენტოს დირექტორი თამარ ქიტიაშვილი, აჭარის დასაქმების სააგენტოს დირექტორი თემურ კახიძე და კოლეჯი “ბლექსი”-ს დირექტორი გიორგი გოგიტიძე.

მხარეებმა ისაუბრეს  მეწარმე სუბიექტების პროფესიული განათლების დონისა და კვალიფიკაციის ამაღლების მნიშვნელობაზე და ამ მიმართულებით პროფესიული განათლების სფეროში კერძო სექტორის ჩართულობის გაზრდაზე. დაიგეგმა მომავალი თანამშრომლობის მიმართულებები და  ერთობლივი საქმიანობები.   სავაჭრო პალატა, როგორც ბიზნეს სექტორის მხარდამჭერი ორგანიზაცია  და  პალატასთან არსებული ააიპ “პროფესიული უნარების განვითარების ასოციაცია” აქტიურად ითანამშრომლებს ამ მიმართულებით პარტნიორ ორგანიზაციებთან.

აჭარის სავაჭრო-სამრეწველო პალატის თავმჯდომარემ გიორგი რომანაძემ თურქეთის თანამშრომლობისა და კოორდინაციის სააგენტოს (TIKA) თბილისის პროგრამის კოორდინატორს – თუბა ოზუთოქს უმასპინძლა.
შეხვედრა გაცნობით ხასიათს ატარებდა. მისი ძირითადი მიზანი მხარეთა შორის სამომავლო ურთიერთთანამშრომლობის პერსპექტივების განხილვა და აქტივობების დაგეგმვა იყო.
თურქული მხარე გაეცნო სავაჭრო პალატის საქმიანობას, მიმდინარე და დაგეგმილ პროექტებს.
შეხვედრის ბოლოს მხარეებმა აქტიური თანამშრომლობისთვის მზადყოფნა გამოთქვეს.
შეხვედრას ესწრებოდნენ სავაჭრო პალატის თავმჯდომარის მოადგილე ნუგზარ მიქელაძე და სავაჭრო პალატის თავმჯდომარის მრჩეველი დიპლომატიურ საკითხებში ლაშა ბოლქვაძე.

აჭარის სავაჭრო სამრეწველო პალატას თურქეთის რესპუბლიკის გენერალური კონსული რიზა ქააღან ილმაზმი და საკონსულოს სავაჭრო ატაშეები დიდემ დირლიქ სონღური და ჯენბერკ გუზელი ეწვივნენ.

შეხვედრაზე მხარეებმა განიხილეს ორ ქვეყანას შორის თანამშრომლობის საკითხები, სავაჭრო-ეკონომიკური ურთიერთობების გაღრმავების პერსპექტივები და ხელშეწყობის მექანიზმები. საუბარი შეეხო საქართველოში არსებულ ხელსაყრელ საინვესტიციო გარემოსა და ბიზნეს შესაძლებლობებს, ქვეყნებს შორის ინვესტიციების მოზიდვის მიმართულებით თანამშორმლობის გაღმავებას, დიაგონალური კუმულაციის პოპულარიზაციის საჭიროებას.

შეხვედრაზე გიორგი რომანაძემ ხაზი გაუსვა რეგიონალური სავაჭრო-სამრეწველო პალატების როლს ქვეყნის ეკონომიკური განვითარების  მზარდ დინამიკაში, ისაუბრა პალატაში არსებულ საარბიტრაჟო სასამართლოზე, როგორც დავის მოგვარების ალტერნატიულ  საშუალებაზე. ასევე ისაუბრა მეწარმეებსა და ინვესტორებს შორის პირდაპირი კავშირების დამყარების მნიშვნელობაზე და აღნიშნა, რომ მსგავსი ტიპის შეხვედრები გააძლიერებს ეკონომიკურ კავშირებს და გახსნის ახალ გზებს ნაყოფიერი თანამშრომლობისთვის.

შეხვედრის ბოლოს მხარეები შეთანხმდნენ პალატისა და საკონსულოს  მომავალი თანამშრომლობის კონკრეტული მიმართულებებზე.

შეხვედრას ესწრებოდნენ სავაჭრო პალატის თავმჯდომარის პირველი მოადგილე ნინო დოლიძე და პალატის თავმჯდომარის მოადგილე ნუგზარ მიქელაძე.

თურქეთის რესპუბლიკის გენერალური საკონსულოს სავაჭრო ატაშეები ქ.ბათუმში, ფეიზა ერდოღანი და დიდემ დირლიქ სონღური, გამოსამშვიდობებელი ვიზიტით  აჭარის ა.რ. სავაჭრო-სამრეწველო პალატას ეწვივნენ. საკონსულოს სავაჭრო ატაშემ ფეიზა ერდოღანმა დაასრულა 4 წლიანი დიპლომატიური მოღვაწეობა აჭარაში.

თურქეთის რესპუბლიკის გენერალური საკონსულოს სავაჭრო ატაშეებს აჭარის სავაჭრო-სამრეწველო პალატის თავმჯდომარემ გიორგი რომანაძემ და პალატის თავმჯდომარის მოადგილემ ნუგზარ მიქელაძემ უმასპინძლეს.

შეხვედრაზე თურქმა დიპლომატმა  მადლობა გადაუხადა სავაჭრო პალატის თავმჯდომარეს მისი აჭარაში მოღვაწეობის პერიოდში სავაჭრო პალატის მხრიდან გაწეული მხარდაჭერისა და თანამშრომლობისათვის.

გიორგი რომანაძემ  ხაზი გაუსვა თურქეთის საკონსულოს როლს ორ ქვეყანას შორის არსებული ურთიერთობების გაღრმავების საკითხებში  და იმედი გამოთქვა, რომ მეზობელ სახელმწიფოებს შორის კეთილმეზობლური დამოკიდებულება მომავალშიც გაგრძელდება.

აჭარის ა/რ სავაჭრო-სამრეწველო პალატის თავმჯდომარე გიორგი რომანაძე სამსუნის სავაჭრო-სამრეწველო პალატის თავმჯდომარეს-სალიჰ ზექი მურზიოღლუს შეხვდა.

შეხვედრა თურქეთის რესპუბლიკაში სავაჭრო პალატის დელეგაციის სამუშაო ვიზიტის ფარგლებში შედგა.

მხარეებმა ორ ქვეყანას შორის არსებულ ურთიერთობებზე, ეკონომიკურ, სამეწარმეო, ინდუსტრიულ და სასოფლო-სამეურნეო სფეროებში არსებულ გამოცდილებაზე ისაუბრეს.

შეხვედრის დასასრულს მხარეები სავაჭრო-სამრეწველო ურთიერთობების გაღრმავებასა და მომავალი თანამშრომლობის შესახებ მემორანდუმის გაფორმებაზე შეთანხმდნენ.

პალატის დელეგაციას ასევე წარმოადგენდნენ: სავაჭრო-სამრეწველო პალატის თავმჯდომარის მოადგილე ნუგზარ მიქელაძე, აღმასრულებელი დირექტორი ედნარ ბოლქვაძე და მრჩეველი დიპლომატიურ საკითხებში ლაშა ბოლქვაძე.

აჭარის სავაჭრო-სამრეწველო პალატის დელეგაცია თურქეთის რესპუბლიკაში, ქ. სამსუნში იმყოფებოდა. მიმდინარე წლის 4 – 7 მაისს  „თუიაფ“-ის სამსუნის საგამოფენო და კონგრეს -ცენტრში რიგით მე-7 მშენებლობის გამოფენა – SAMSUN CONSTRUCTION 2023 ჩატარდა.

გამოფენაზე წარმოდგენილი იყო  მშენებლობის სფეროში არსებული ინოვაციები; სამშენებლო მასალების, მონტაჟის, გათბობა-გაგრილების, კონდიცირების, ენერგო სისტემების,ბუნებრივი აირის ტექნოლოგიების  სიახლეები და მიღწევები.

დელეგაციის წევრებმა დაათვალიერეს ადგილობრივი საწარმოები, მონაწილეობა მიიღეს პროგრამით გათვალისწინებულ ღონისძიებებში.

სავაჭრო პალატის დელეგაციას წარმოადგენდნენ: აჭარის ა/რ სავაჭრო-სამრეწველო პალატის თავმჯდომარე გიორგი რომანაძე, პალატის თავმჯდომარის მოადგილე ნუგზარ მიქელაძე, აღმასრულებელი დირექტორი ედნარ ბოლქვაძე და მრჩეველი დიპლომატიურ საკითხებში ლაშა ბოლქვაძე.

აჭარის ა/რ სავაჭრო-სამრეწველო პალატაში  სამუშაო ვიზიტის ფარგლებში ჩინეთის სახალხო რესპუბლიკის ოფიციალური დელეგაცია იმყოფებოდა, სიანიანის მუნიციპალური პარტიის კომიტეტის მდივნის მოადგილე  ჰუ იონგის ხელმძღვანელობით.

დელეგაციის შემადგენლობაში  ჩინეთის სახალხო რესპუბლიკის მთავრობის წევრები და ბიზნესის წარმომადგენლები შედიოდნენ.

შეხვედრაზე პალატის თავმჯდომარემ  გიორგი რომანაძემ დაწვრილებით ისაუბრა რეგიონის ეკონომიკურ პოტენციალზე,საინვესტიციო გარემოზე, სავაჭრო პალატის საქმიანობასა და სერვისებზე, ხაზი გაუსვა სავაჭრო–ეკონომიკური თანამშრომლობის კუთხით ორმხრივი პარტნიორობის გააქტიურების მნიშვნელობას.

შეხვედრაზე საუბარი სხვადასხვა სფეროს შეეხო: ეკონომიკური და სავაჭრო გაცვლების განხორცილება და თანამშრომლობა თანასწორობისა და ურთიერთმოგების პრინციპებზე დაყრდნობით; ტურიზმის სფეროში გამოცდილების გაზიარება და გაცვლა, მხარეთა ტურისტული პოტენციალის გაუმჯობესება და ხალხური ტურიზმის ხელშეწყობა.  შეხვედრაზე საუბარი შეეხო ასევე პროფესიული უნარების კუთხით თანამშრომლობას. მხარეებმა ისაუბრეს ბოლო პერიოდში მნიშვნელოვნად გაიზრდილ  ჩინური ინვესტიციების მოცულობაზე და ქართული ღვინის ექსპორტზე  ჩინეთში.

სტუმრებმა აჭარის რეგიონის მიმართ დიდი ინტერესი გამოხატეს და ადგილობრივ ბიზნესთან შეხვედრისა და სამომავლო თანამშრომლობის სურვილი გამოთქვეს.

დელეგაციის წევრებმა გამოცდილების გაზიარებისა და მომავალი თანამშრომლობის გაღრმავების მიზნით  პალატის წარმომადგენლობა სიანიანში მიიწვიეს.