ირანის ისლამური რესპუბლიკის გენერალური კონსულის ვიზიტი პალატაში

471

აჭარის სავაჭრო-სამრეწველო პალატის თავმჯდომარე გიორგი რომანაძე ირანის ისლამური რესპუბლიკის გენერალური საკონსულოს მეთაურის მოვალეობის შემსრულებელს ისმაილ თეკეჰსადათს შეხვდა.

შეხვედრა გაცნობითი ხასიათის იყო.  პალატის თავმჯდომარემ    ისაუბრა პალატის საქმიანობასა  და აჭარის რეგიონ ის საინვესტიციო პოტენციალზე,   აღნიშნა, რომ  პალატა წლებია თანამშრომლობს ირანელ ბიზნესმენებთან და სთავაზობს  სერვისებს  წარმატებული საქმიანობისთვის.

მხარეებმა საქართველოსა და ირანს შორის სავაჭრო და საინვესტიციო ურთიერთობებისა და ექსპორტ-იმპორტის საკითხებზე იმსჯელეს. ხაზი გაესვა ჩვენი ქვეყნების  თანამშრომლობის მნიშვნელობას  სატრანსპორტო და ლოგისტიკური მიმართულებებით.

შეხვედრაზე  განიხილეს ირანის ისლამური რესპუბლიკის   ურმიასა  და  თავრიზის სავაჭრო-სამრეწველო პალატებთან მომავალი თანამშრომლობის საკითხები.

შეხვედრის დასასრულს მხარეებმა მჭიდრო თანამშრომლობის  მზაობა გამოხატეს.