აჭარის სავაჭრო-სამრეწველო პალატა (ასსპა) არის ერთ-ერთი გავლენიანი ბიზნეს ორგანიზაცია საქართველოში. ასსპა წარმოადგენს შუამავალ რგოლს მეწარმე სუბიექტებსა და სახელმწიფო ორგანოებს შორის. იგი მუდმივად ჩართულია საწარმოების წინაშე დაყენებული საკითხების განხილვისა და გადაწყვეტილებების მიღების პროცესში. როგორც აჭარის ბიზნესის ხმა, პალატის ძირითადი მიზანია ასსპა-ს წევრების ბიზნეს ინტერესების დაცვა ადგილობრივ და ასევე ცენტრალურ ხელისუფლებაში, საქართველოს პარლამენტში და სახელმწიფო მარეგულირებელ ორგანოებში. ბიზნესის ხელშეწყობის მიზნით, ასსპა არასამუშაო, უქმე და დასვენების დღეებში მეწარმეებს სთავაზობს სხვადასხვა სახის სერვისებს. ასსპა-ში გაწეულ ნებისმიერ სერვისზე პალატის წევრებისათვის მოქმედებს მომსახურების შეღავათიანი ტარიფები.