Home Blog

ბულგარეთის რესპუბლიკის ელჩის ვიზიტი პალატაში

დღეს აჭარის ა.რ სავაჭრო-სამრეწველო პალატის თავმჯდომარემ ნიკა ჩხარტიშვილმა ბულგარეთის საგანგებო და სრულუფლებიან ელჩთან ქალბატონ დესისლავა ივანოვასთან შეხვედრა გამართა.
შეხვედრა გაცნობითი ხასიათის იყო. ასევე განხილული იყო ქვეყნებს შორის არსებული ეკონომიკური ურთიერთობების გაღრმავების შესაძლებლობები.

🔎 ,,ბათუმი ძალიან საინტერესო ქალაქია თავისი დიდი ტურისტული პოტენციალით“ — აღნიშნა ქალბატონმა ელჩმა და ხაზი გაუსვა ბულგარეთის სხვადასხვა ქალაქებსა და ბათუმს შორის ურთიერთობების დაახლოებას ბიზნესის მიმართულებით.

📍 აჭარის ა.რ სავაჭრო-სამრეწველო პალატის თავმჯდომარემ ქალბატონ ელჩს მადლობა გადაუხადა პალატაში სტუმრობისათვის და ისაუბრა აჭარისა რეგიონსა და ბულგარეთის რესპუბლიკას შორის ეკონომიკური ურთიერთობების გაღრმავების შესახებ.
შეხვედრას ესწრებოდნენ თავმჯდომარის პირველი მოადგილე ნინო დოლიძე, თავმჯდომარის მოადგილე თამაზ თურმანიძე და თავმჯდომარის მრჩეველი საერთაშორისო ეკონომიკურ საკითხებში ლაშა ბოლქვაძე. ასევე ბულგარეთის საელჩოს მრჩეველი ტიხომირ ტოდოროვი.

🖊 შეხვედრის ბოლოს ქალბატონმა ელჩმა შთაბეჭდილებების წიგნში სამახსოვრო ჩანაწერი დატოვა.

 

ვიდეოკონფერენცია პალატისა და EBRD-ის წარმომადგენლებს შორის

 აჭარის ა.რ. სავაჭრო-სამრეწველო პალატის თავმჯდომარესა და ევროპის რეკონსტრუქციისა და განვითარების ბანკის წარმომადგენლებს შორის ვიდეოკონფერენცია გაიმართა.

💻 ვიდეოკონფერენციაში მონაწილეობდნენ პალატის თავმჯდომარე ნიკა ჩხარტიშილი და თავმჯდომარის პირველი მოდგილე ნინო დოლიძე. ასევე EBRD-ის მხრიდან სევერიან ღვინეფაძე __ EBRD-ის კონსულტაციები მცირე ბიზნესისთვის პროგრამის მენეჯერი საქართველოში და ირაკლი თოლორაია __ ანალიტიკოსი, WIB პროგრამის კოორდინატორი.

📍 საუბრისას განხილულ იქნა შემდგომი პარტნიორობის გაღრმავების საკითხები, გაიცვალა რეგიონის განვითარებისა საჭიროებების შესახებ ინფორმაციები.
ასევე განისაზღვრა EBRD-ის წარმომადგენელთა აჭარის ა.რ სავაჭრო-სამრეწველო პალატაში ვიზიტის თარიღი.

სააპლიკაციო ფორმა

📝 გთავაზობთ, სააპლიკაციო ფორმას საქართველოში საქმიანი ვიზიტით შემოსვლის მსურველთა შესახებ;
👇

➡️ რეგისტრაციის ფორმა საქართველოში საქმიანი ვიზიტით ჩამომსვლელთათვის

➡️ რეგისტრაციის ფორმა ევროკავშირის ქვეყნების მოქალაქე/რეზიდენტებისთვის

 

https://stopcov.ge/ka/Protocol?fbclid=IwAR1QX_VychpQVFuZ_-FENkJhrVE2OtFaHRmPBY1YCfzRuiQmw1xb0PtnNvs

ევროპის რეკონსტრუქციისა და განვითარების ბანკის ახალი ინიციატივა

 ნოუ ჰაუ აკადემია – EBRD know-how academy არის კრიზისის მართვის ონლაინ პლატფორმა, რომლის მიზანია გაზარდოს მიკრო, მცირე და საშუალო ზომის საწარმოების წვდომა საინფორმაციო რესურსებზე. აქ გაერთიანებულია ინტერაქტიული ტრენინგები, სექტორის ექსპერტების ვიდეო გაკვეთილები და ქვეყანაზე მორგებული ინფორმაცია იმ რესურსების შესახებ რომლებსაც მთავრობები და ადგილობრივი ბანკები სთავაზობენ მიკრო, მცირე და საშუალო მეწარმეებს. ონლაინ პლატფორმა ხელმისაწვდომია 30 ქვეყანაში, სადაც ევროპის რეკონსტრუქციისა და განვითარების ბანკი საქმიანობს.

📍 სასწავლო პროგრამაში ჩართვა უფასოა და თავდაპირველად ხელმისაწვდომი იქნება ინგლისურ, რუსულ, თურქულ, უკრაინულ და არაბულ ენებზე. თანდათანობით, პლატფორმას რესურსები სხვა ენებზეც დაემატება.

🔵 თავდაპირველად, მონაწილეებს ვთავაზობთ სასწავლო მოდულებს შემდეგ ხუთ საკითხზე:

· 🔹თქვენი მომხმარებლები და მომწოდებლები

· 🔹ფინანსური მართვის საწყისები

· 🔹დაფინანსების წყაროები თქვენი კომპანიებისათვის

· 🔹თანამშრომელი – თქვენი ძირითადი აქტივი

· 🔹გამოწვევები ლიდერობასა და მართვაში

პირველი მოდული – “თქვენი მომხმარებლები და მომწოდებლები’’ ხელმისაწვდომია შემდეგ ბმულზე:

👇

https://www.ebrdknowhowacademy.com/learn. შემდეგი მოდულები დაემატება უახლოეს პერიოდში.

ირანის ისლამური რესპუბლიკის საკონსულოს წარმომადგენლობა პალატაში

აჭარის ა.რ სავაჭრო-სამრეწველო პალატის თავმჯდომარემ ნიკა ჩხარტიშვილმა ირანის ისლამური რესპუბლიკის საკონსულოს წარმომადგენლობას უმასპინძლა.
შეხვედრაზე განხილულ იქნა აჭარის ა.რ სავაჭრო-სამრეწველო პალატასთან ირანელი ბიზნესკომპანიებისა და ბიზნესსუბიექტების ურთიერთობის საკითხები.

პალატის თავმჯდომარემ საქართველო-ირანს შორის სავაჭრო და საინვესტიციო ურთიერთობებსა და ექსპორტ-იმპორტის მნიშვნელობაზე ისაუბრა.

მხარეებმა მზაობა გამოთქვეს ვებინარის საშუალებით აქტიურ კომუნიკაციაზე.

📌 ,,აჭარა განიხილება როგორც ლოგისტიკური დერეფანი, რაც მნიშვნელოვანია ორ ქვეყანას შორის ბიზნესპარტნიორობისთვის“ – განაცხადა ირანის ისლამური რესპუბლიკის კონსულის მოვალეობის მეთაურის შემსრულებელმა აჰმად ბადფამ.

📌 საკონსულოს მხრიდან შეხვედრას ესწრებოდნენ ირანის ისლამური რესპუბლიკის კონსულის მეთაურის მოვალეობის შემსრულებელი აჰმად ბადფა და პირველი კონსული მოჰამად რეზა ყორბანიანი.

 

ჩეხეთის რესპუბლიკის საგანგებო და სრულუფლებიანი ელჩის სტუმრობა პალატაში

დღეს აჭარის ა.რ სავაჭრო-სამრეწველო პალატას ჩეხეთის რესპუბლიკის საგანგებო და სრულუფლებიანი ელჩი თანმხლებ პირებთან ერთად სტუმრობდა.

 შეხვედრაზე საუბარი შეეხო რეგიონში მიმდინარე და განხორციელებულ ბიზნესპროექტებს, ასევე ჩეხეთის მხარდაჭერით დაგეგმილ და მიმდინარე ინვესტიციებს.

პალატის თავმჯდომარემ ნიკა ჩხარტიშვილმა საუბრისას ხაზი გაუსვა საქართველო-ჩეხეთს შორის სამომავლო ურთიერთობების გაღრმავების მნიშვნელობას.

🖊 შეხვედრას ესწრებოდნენ ჩეხეთის რესპუბლიკის საგანგებო და სრულუფლებიანი ელჩი პეტრე მიკისკა, ელჩის მოადგილე ირჟი პრეცლიკი და ეკონომიკის ექსპერტი ირაკლი სვანაძე.
ბატონმა ელჩმა შთაბეჭდილებების წიგნში სამახსოვრო ჩანაწერი დატოვა.

 

 

 

სამუშაო შეხვედრა პალატაში

აჭარის ა.რ სავაჭრო-სამრეწველო პალატაში გაიმართა ბულვარის ინტერნეტიზაციის პროექტის პრეზენტაცია, რომელიც წარმოადგინა შპს Softline-მა. პრეზენტაციაში მონაწილეობას იღებდნენ პარტნიორები სილქნეტი, Hewlett Packard და Wifisher.
📍პრეზენტაციას ესწრებოდნენ პალატის თავმჯდომარე ნიკა ჩხარტიშვილი, ბულვარის დირექტორი ირაკლი ჯინჭარაძე და ბულვარის ადმინისტრაციის წარმომადგენლები.

 

 

 

შეხვედრა აჭარის მთავრობის თავმჯდომარესთან

✅აჭარის ა.რ სავაჭრო-სამრეწველო პალატაში „ეკონომიკის ექსპერტთა საბჭოსა“ და აჭარის მთავრობის თავმჯდომარეს, თორნიკე რიჟვაძეს შორის სამუშაო შეხვედრა გაიმართა. შეხვედრას ასევე ესწრებოდნენ აჭარის ა.რ ფინანსთა და ეკონომიკის მინისტრი ჯაბა ფუტკარაძე, აჭარის ა.რ სოფლის მეურნეობის მინისტრი ტიტე აროშიძე და აჭარის ა.რ სავაჭრო-სამრეწველო პალატის თავმჯდომარე ნიკა ჩხარტიშვილი.

📍 შეხვედრაზე განხილულ იქნა ტურიზმისა და სოფლის მეურნეობის სამთავრობო ანტიკრიზისული გეგმები.

 

„ეკონომიკის ექსპერტთა საბჭოს“ სამუშაო შეხვედრა პალატაში

დღეს აჭარის ა.რ სავაჭრო-სამრეწველო პალატასთან არსებულ „ეკონომიკის ექსპერტთა საბჭოს“ ინიციატივით შეხვედრა გაიმართა, აჭარაში მოქმედ ტურისტულ კომპანიებთან „მთავრობის ტურიზმის ამოქმედების ანტიკრიზისული გეგმის“ განხილვის მიზნით. შეხვედრას ასევე ესწრებოდა ტურიზმის დეპარტამენის თავმჯდომარის მოადგილე თამარ კაიკაციშვილი.

📍„ეკონომიკის ექსპერტთა საბჭოს“ მხრიდან საპრეზენტაციო ნაწილი წარადგინა ეკონომიკის ექსპერტმა პაატა ჩაგანავამ, ასევე შეფასებითი ნაწილი წარადგინეს ვლადიმერ ღლონტმა, პაატა აროშიძემ და დავით ქათამაძემ.

📍შეხვედრა აზრთა ურთიერთგაცვლის რეჟიმში წარიმართა. „მთავრობის ტურიზმის ამოქმედების ანტიკრიზისული გეგმა“ დადებითად იქნა შეფასებული მონაწილეთა მიერ, ხოლო მთავარ საკითხად დაისვა გეგმის ფარგლებში, უფრო დეტალური ინფორმაციის მიღების მოთხოვნა, რაც „ეკონომიკის ექსპერტთა“ მიერ უახლოეს პერიოდში იქნება მოძიებული და მიწოდებული ტურიზმის სფეროს წარმომადგენლებისადმი.

 

აჭარაში ეკონომიკურ ექსპერტთა საბჭო შეიქმნა

 აჭარის ა.რ სავაჭრო-სამრეწველო პალატასთან შეიქმნა ახალი პლატფორმა „ეკონომიკის ექსპერტთა საბჭოს“ სახით, რომელშიც გაერთიანებულია სწავლული ეკონომიკის ექსპერტები, აკადემიური წრეებიდან.
🌀 „ეკონომიკის ექსპერტთა საბჭოს“ შემადგენლობაშია: ბადრი გეჩბაია, გელა მამულაძე, ანზორ დევაძე, პაატა აროშიძე, პაატა ჩაგანავა, მამუკა თურმანიძე, რომან მამულაძე, ვლადიმერ ღლონტი, დავით ქათამაძე, როსტომ ბერიძე

საბჭოს ძირითადი ამოცანები და ფუნქციებია:

🔵 აჭარის ა.რ ეკონომიკური განვითარების ანალიზი;

🔵 შესაბამის უწყებებთან ერთად დარგობრივი სტრატეგიის შემუშავებაში მონაწილეობის მიღება;

🔵 ეკონომიკური რისკებისა და საინვესტიციო გარემოს ანალიზი;

🔵 ეკონომიკური მიმართულებების პრიორიტეტების განსაზღვრასა და შესაბამისი გეგმების შემუშავებაში მონაწილეობის მიღება;

🔵 ეკონომიკურ ინტერესებზე მორგებული ახალი იდეების გენერირება სხვადასხვა პროფილის მქონე დარგების ჭრილში

🔵 დისკუსიების გამართვა მიღებული რეკომენდაციებთან დაკავშირებით, მათი საზოგადოებისთვის გაცნობის მიზნით
ასევე, მიმდინარე და სამომავლო ეკონომიკური გამოწვევების ეფექტურ დაძლევაში, ხელისუფლებისა და ბიზნესისათვის მაქსიმალური ხელშეწყობა, მათთან აქტიური თანამშრომლობის გზით სხვადასხვა დარგობრივ ფორმატებში.