Home Blog

გადაცემა ,,მთავარი ეკონომიკაში” სტუმარია ნიკა ჩხარტიშვილი

გადაცემა ,,მთავარი ეკონომიკაში” სტუმარია აჭარის ა.რ. სავაჭრო-სამრეწველო პალატის თავმჯდომარე ნიკა ჩხარტიშვილი

 

 

საქართველოს სავაჭრო-სამრეწველო პალატის საერთო კრება

✅ დღეს, საქართველოს სავაჭრო-სამრეწველო პალატის ვიცე-პრეზიდენტმა და აჭარის ა.რ. სავაჭრო-სამრეწველო პალატის თავმჯდომარემ ნიკა ჩხარტიშვილმა საქართველოს სავაჭრო-სამრეწველო პალატის წლიური ანგარიშის პრეზენტაციაში მიიღო მონაწილეობა.
სამუშაო დღის წესრიგი შედგებოდა შემდეგი საკითხებისგან:
🟦 2020 წლის აქტივობების მიმოხილვა და 2021 წლის გეგმები
🟦 პროფესიული განათლება
🟦 ბიზნესთან კომუნიკაცია
🟦 საერთაშორისო ურთიერთობები და ახალი პროექტები
🟦 პალატის კომიტეტების საქმიანობის გაცნობა
📍 მიმდინარე წლის საქმიანობის მოკლე მიმოხილვა წარმოადგინა საქართველოს სავაჭრო სამრეწველო პალატის პრეზიდენტმა ბატონმა გიორგი პერტაიამ, მან ასევე საუბრის ბოლოს უპასუხა დელეგატების შეკითხვებს.
📍 ნიკა ჩხარტიშვილი მიესალმა მონაწილეებს და ხაზი გაუსვა პანდემიის დროს საქართველოს სავაჭრო-სამრეწველო პალატის აქტივობების როლს. მადლობა გადაუხადა გიორგი პერტაიას საქმიანობისა და ნაყოფიერი თანამშრომლობისათვის. ასევე მაღალი შეფასება მისცა საქართველოს სავაჭრო-სამრეწველო პალატის მიერ გაწეულ საქმიანობას.
🔰 პრეზენტაციას ესწრებოდნენ:
. საქართველოს სავაჭრო-სამრეწველო პალატის გენერალური დირექტორი მოადგილე მაგდა ბოლოთაშვილი,
. მომსახურებისა და რეგიონული განვითარების დეპარტამენტის დირექტორი გიორგი ვეკუა,
. საერთაშორისო ურთიერთობებისა და პროექტების მართვის დეპარტამენტის დირექტორი ალექსანდრე პაპიაშვილი,
. იურიდიული კომიტეტის ხელმძღვანელი გიორგი სვანაძე და სავაჭრო-სამრეწველო პალატის დელეგატები.
 

საინვესტიციო გარემოს შეფასება საქართველოში

ეკონომიკური თანამშრომლობისა და განვითარების ორგანიზაციამ (OECD) მოამზადა საქართველოს საინვესტიციო პოლიტიკის შეფასების დოკუმენტი, რომელიც მოიცავს ინფორმაციას ქვეყანაში არსებულ საინვესტიციო გარემოზე და რეკომენდაციებს გასატარებელი რეფორმების შესახებ,- ამის შესახებ ეკონომიკის სამინისტროს მიერ გავრცელებულ ინფორმაციაშია აღნიშნული.

უწყების ინფორმაციით, საქართველოს მთავრობამ ეკონომიკური თანამშრომლობისა და განვითარების ორგანიზაციას აღნიშნული კვლევის დასაწყებად 2019 წლის დასაწყისში მიმართა.

„მსგავსი კვლევა აღნიშნული ორგანიზაციის მხრიდან პირველად ჩატარდა. საინვესტიციო პოლიტიკის შეფასების საფუძველზე, საქართველოს პირველად მიენიჭა რეიტინგი ეკონომიკური თანამშრომლობისა და განვითარების ორგანიზაციის (OECD) კვლევაში FDI Regulatory Restrictiveness Index. აღნიშნულ კვლევაში საქართველომ დაიკავა მოწინავე მე-8 პოზიცია 82 ქვეყანას შორის, როგორც მსოფლიოში ერთ-ერთი ყველაზე ღია ეკონომიკა უცხოური ინვესტიციების მოზიდვის კუთხით. კვლევა მოიცავს ქვეყანაში არსებული 22 ეკონომიკური სექტორის შესწავლას და პირდაპირ უცხოურ ინვესტიციების მოზიდვასთან დაკავშირებული ბარიერების იდენტიფიცირებას.

აღნიშნულ ინდექსში საქართველოზე უკეთესი პოზიცია აქვთ შემდეგ ქვეყნებს: ლუქსემბურგი, პორტუგალია, სლოვენია, რუმინეთი, ჩეხეთი, ნიდერლანდები, ესტონეთი. ამავე დროს საქართველოს მაჩვენებელი უკეთესია, ვიდრე ისეთი განვითარებული ეკონომიკური ქვეყნებისა, როგორიცაა ფინეთი, ლიტვა, ლატვია, ესპანეთი, გერმანია, მონტენეგრო, უნგრეთი, ჩრდილოეთ მაკედონია, დიდი ბრიტანეთი, ბელგია. ასევე ჩვენი რეგიონის ყველა ქვეყნის მაჩვენებელი.

ეკონომიკური თანამშრომლობისა და განვითარების ორგანიზაციის შეფასებით, ბოლო წლებში საქართველოს მთავრობამ აქტიურად განახორციელა რეფორმები ინვესტორების მოსაზიდად და კერძო სექტორის განვითარების ხელშესაწყობად, რამაც განაპირობა მშპ-ს მნიშვნელოვანი ზრდა და 2007 წლიდან პირდაპირი უცხოური ინვესტიციების მარაგებმა (FDI stock) მშპ-ს 100% – ზე მეტი შეადგინა. ამჟამად საქართველო მსოფლიოს მოწინავე ქვეყნებს შორისაა ბიზნესის კეთების და უცხოური ინვესტიციების მიმართ ღიაობის კუთხით და წარმოადგენს წარმატების მაგალითს სხვა ქვეყნებისთვის.

დოკუმენტის თანახმად, ქვეყანაში განხორციელებულმა თანმიმდევრულმა რეფორმებმა ხელი შეუწყო ინვესტიციებისთვის სამართლებრივი ჩარჩოს გაუმჯობესებას. საქართველო ახლა ღიაა უცხოელი ინვესტორებისთვის ყველა სექტორში. ძირითადი საინვესტიციო კანონმდებლობა ადგენს თანაბარ პირობებს უცხოელი და ადგილობრივი ინვესტორებისთვის და უზრუნველყოფს საკუთრების უფლებების მკაფიო და პროგნოზირებად ჩარჩოს.

კვლევის თანახმად, COVID-19 პანდემიას საქართველოზე, როგორც მსოფლიოს სხვა ქვეყნების მსგავსად აქვს უპრეცენდენტო ეკონომიკური შედეგები. ამავე დროს, დოკუმენტში აღნიშნულია, რომ საქართველოს მთავრობამ მიიღო მყისიერი მონეტარული და ფისკალური ზომები ჯანდაცვის სექტორის და რისკის ქვეშ მყოფი კომპანიების დასახმარებლად. კვლევის თანახმად, სახელმწიფო ინვესტიციებთან ერთად, საქართველოს ეკონომიკის აღდგენის საქმეში მნიშვნელოვანიო როლი მიენიჭება როგორც უცხოურ, ისე შიდა კერძო ინვესტიციებს.

ანგარიშის თანახმად, ბოლო წლების განმავლობაში მოზიდული პირდაპირი უცხოური ინვესტიციების მოცულობა საკმაოდ მაღალია საქართველოს ეკონომიკის სიდიდის გათვალისწინებით, თუმცა ინვესტიციების სარგებელი სრულად არ არის რეალიზებული დასაქმებისა და ექსპორტის განვითარების მიმართულებით. კვლევის თანახმად, საინვესტიციო კანონმდებლობა აყალიბებს თანაბარ პირობებს უცხოელ და ადგილობრივ ინვესტორებს შორის და წარმოადგენს საკუთრების უფლებების მკაფიო და პროგნოზირებად ჩარჩოს.

მიუხედავად ყველა წარმატებისა და საერთაშორისო ორგანიზაციების მხრიდან აღიარებისა, OECD აღნიშნავს, რომ მნიშვნელოვანია რეფორმების გაგრძელება, რათა საქართველო კიდევ უფრო მიმზიდველი გახდეს უცხოური ინვესტორებისთვის.

კვლევაში ასევე აღნიშნულია საქართველოს სოფლის მეურნეობისა და კვების პროდუქტების ჯაჭვში ინვესტიციების მოზიდვის საჭიროება. ინვესტიცია აგროსასურსათო ღირებულების ჯაჭვებში ხელს შეუწყობს პროდუქტიულობის ზრდის გაძლიერებას, შემოსავლების ზრდას, სურსათის უსაფრთხოების გაუმჯობესებას, სოფლის განვითარების მხარდაჭერას და საერთაშორისო ბაზრებზე კონკურენტუნარიანობის შენარჩუნებას.

კვლევაში ასევე ხაზგასმულია საპასუხისმგებლო ბიზნეს ქცევის (RBC – Responsible Business Conduct) განვითარების ხელშეწყობის აუცილებლობა“,-აღნიშნულია ინფორმაციაში.

აჭარის ა.რ. სავაჭრო-სამრეწველო პალატისა და ბელარუსის რესპუბლიკის გროდნოს ოლქის ხელმძღვანელთა ონლაინ შეხვედრა

🇬🇪🇧🇾აჭარის ა.რ. სავაჭრო-სამრეწველო პალატისა და ბელარუსის რესპუბლიკის სავაჭრო-სამრეწველო პალატის გროდნოს ოლქის ხელმძღვანელებს შორის ონლაინ შეხვედრა გაიმართა.
♻️ შეხვედრის დროს დაისახა მომავალი სავაჭრო და ეკონომიკური თანამშრომლობის საკითხები.
🇬🇪 ქართულ მხარეს წარმოადგენდა: აჭარის ა.რ. სავაჭრო-სამრეწველო პალატის თავმჯდომარე ნიკა ჩხარტიშვილი, თავმჯდომარის მოადგილეები ნუგზარ მიქელაძე და თამაზ თურმანიძე, მრჩეველი საერთაშორისო ურთიერთობებში ლაშა ბოლქვაძე, საინვესტიციო და საექსპორტო ურთიერთობების მთავარი სპეციალისტი ნათია სურმანიძე.
🇧🇾ბელარუსის წარმომადგენლებს შორის იყვნენ: ბელარუსის რესპუბლიკის უნიტარული საწარმოს “BelCCI გროდნოს განყოფილების” გენერალური დირექტორი მიროსლავ საროსეკი, გენერალური დირექტორის მოადგილე საგარეო ეკონომიკური საქმიანობის საკითხებში კონსტანტინ კაიკოვი და საგარეო ეკონომიკური საქმიანობის დეპარტამენტის ინტელექტუალური საკუთრების წამყვანი სპეციალისტი ალექსანდრე დობროდუშენკო.
💻 მხარეები შეთანხმდნენ აჭარისა და გროდნოს რეგიონების ბიზნეს წრეებს შორის ონლაინ B2B მოლაპარაკებების ორგანიზების თაობაზე. ასევე ხაზი გაესვა პარტნიორობის გაღრმავების მნიშვნელობას
 

საქართველო-პოლონეთის ონლაინ კონფერენცია

🇬🇪🇵🇱 დღეს აჭარის ა.რ. სავაჭრო-სამრეწველო პალატისა და პოლონეთის ქალაქ სილეზიის სავაჭრო პალატის წარმომადგენლებს შორის ონლაინ კონფერენცია გაიმართა.
💻 კონფერენციის თემატიკას წარმოადგენდა საქართველო-პოლონეთის ბიზნესწრეებს შორის თანამშრომლობის დამყარება.
🇬🇪 ქართული მხრიდან კონფერენციაში მონაწილეობდნენ: აჭარის ა.რ. სავაჭრო-სამრეწველო პალატის თავმჯდომარე ნიკა ჩხარტიშვილი, თავმჯდომარის მოადგილე თამაზ თურმანიძე, თავმჯდომარის მრჩეველი საერთაშორისო ურთიერთობებში ლაშა ბოლქვაძე, საინვესტიციო და საექსპორტო ურთიერთობების მთავარი სპეციალისტი ნათია სურმანიძე.
🇵🇱 პოლონური მხრიდან კონფერენციაში ჩაერთვნენ: ქალაქ სილეზიის სავაჭრო პალატის პრეზიდენტი რიშარდ ტურჟანსკი და მისი წარომადგენელი იან მარკავი, ასევე ბიზნესსუბიექტები.
✅ საუბარი შეეხო საქართველო-პოლონეთს შორის ორმხრივი ურთიერთობების შემდგომ განვითარებასა და გაღრმავებას.
📍 პალატის თავმჯდომარემ ნიკა ჩხარტიშვილმა განსაკუთრებული ყურადღება გაამახვილა ქართულ-პოლონური მხარეების კერძო სექტორის წარმომადგენლებს შორის ბიზნესის მხარდასაჭერ ღონისძიებების განხორციელებაზე.
👥 ბიზნსსუბიექტებს შორის B2B შეხვედრები შედგა, სადაც განიხილეს ბიზნესპარტნიორობის სამომავლო გეგმები.
✅ დისკუსიაში წარმოდგენილი იყო შემდეგი სექტორები: მესაქონლეობა- მეფრინველეობა, სასოფლო-სამეურნეო სატყეო ტექნიკა, საყოფაცხოვრებო ქიმია, ელექტროტექნიკა, ელექტრომოწყობილობა და ეკოგანათება

ანტიკრიზისული გეგმის მე-4 ეტაპი

მოქალაქეებზე ზრუნვისა და კერძო სექტორის მხარდაჭერის ახალი პაკეტი
ეპიდემიოლოგიური ვითარებიდან გამომდინარე დაწესებული, გამკაცრებული წერტილოვანი შეზღუდვების პარალელურად, შემუშავდა ანტიკრიზისული გეგმის მე-4 ეტაპი

შეხვედრა ექსპორტიორებთან

✅ ციტრუსის სეზონთან დაკავშირებით აჭარის ა.რ. სავაჭრო-სამრეწველო პალატის თავმჯდომარე ნიკა ჩხარტიშვილი და ექსპორტიორები აჭარის მთავრობის თავმჯდომარეს თორნიკე რიჟვაძეს შეხვდნენ.
🟦 შეხვედრის ფარგლებში განხილულ იქნა კორონავირუსის გამო დაწესებული შეზღუდვებით გამოწვეული პრობლემები. ასევე სამუშაო შეხვედრაზე იმსჯელეს ექსპორტის ხელშეწყობასა და ნარინჯისფერი რთველის წარმატებით ჩატარების შესახებ.
✅ შეხვედრაში ასევე მონაწილეობდა აჭარის ა.რ. სოფლის მეურნეობის მინისტრი გიორგი სურმანიძე

საგრანტო პროგრამით გამარჯვებული პროექტების პრეზენტაცია

🔷 დღეს აჭარის სოფლის მეურნეობის სამინისტროს ა(ა) იპ აგროსერვის ცენტრის „სოფლად მეწარმეობის განვითარების ხელშეწყობა“ საგრანტო პროგრამის პრეზენტაცია გაიმართა.
🔷 პროგრამა ითვალისწინებს, როგორც არსებული ბიზნესის გაფართოება/მოდერნიზირებას, ასევე ახალი ბიზნესის დასაწყებად ბენეფიციარებისთვის ფინანსური დახმარების გაწევას.
🔷 ღონისძიებაში მონაწილეობდნენ აჭარის ა.რ. სოფლის მეურნეობის მინისტრი გიორგი სურმანიძე, აჭარის ა.რ. სავაჭრო-სამრეწველო პალატის თავმჯდომარე ნიკა ჩხარტიშვილი და სხვა ოფიციალური პირები.
🎤🎤 დამსწრე საზოგადოებას სიტყვით მიმართეს: აჭარის სოფლის მეურნეობის მინისტრმა გიორგი სურმანიძემ და აჭარის ა.რ. სავაჭრო-სამრეწველო პალატის თავმჯდომარემ ნიკა ჩხარტიშვილმა.
🥇 პრეზენტაციის ბოლოს საგრანტო პროგრამის გამარჯვებული ბენეფიციარები დაჯილდოვდნენ

ბულგარეთის რესპუბლიკის ელჩის ვიზიტი პალატაში

დღეს აჭარის ა.რ სავაჭრო-სამრეწველო პალატის თავმჯდომარემ ნიკა ჩხარტიშვილმა ბულგარეთის საგანგებო და სრულუფლებიან ელჩთან ქალბატონ დესისლავა ივანოვასთან შეხვედრა გამართა.
შეხვედრა გაცნობითი ხასიათის იყო. ასევე განხილული იყო ქვეყნებს შორის არსებული ეკონომიკური ურთიერთობების გაღრმავების შესაძლებლობები.

🔎 ,,ბათუმი ძალიან საინტერესო ქალაქია თავისი დიდი ტურისტული პოტენციალით“ — აღნიშნა ქალბატონმა ელჩმა და ხაზი გაუსვა ბულგარეთის სხვადასხვა ქალაქებსა და ბათუმს შორის ურთიერთობების დაახლოებას ბიზნესის მიმართულებით.

📍 აჭარის ა.რ სავაჭრო-სამრეწველო პალატის თავმჯდომარემ ქალბატონ ელჩს მადლობა გადაუხადა პალატაში სტუმრობისათვის და ისაუბრა აჭარისა რეგიონსა და ბულგარეთის რესპუბლიკას შორის ეკონომიკური ურთიერთობების გაღრმავების შესახებ.
შეხვედრას ესწრებოდნენ თავმჯდომარის პირველი მოადგილე ნინო დოლიძე, თავმჯდომარის მოადგილე თამაზ თურმანიძე და თავმჯდომარის მრჩეველი საერთაშორისო ეკონომიკურ საკითხებში ლაშა ბოლქვაძე. ასევე ბულგარეთის საელჩოს მრჩეველი ტიხომირ ტოდოროვი.

🖊 შეხვედრის ბოლოს ქალბატონმა ელჩმა შთაბეჭდილებების წიგნში სამახსოვრო ჩანაწერი დატოვა.

 

ბულგარეთის ელჩი საქართველოში აჭარის სავაჭრო-სამრეწველო პალატას ეწვია

აჭარის სავაჭრო-სამრეწველო პალატას ბულგარეთის ელჩი საქართველოში ეწვია. შეხვედრაზე, ბულგარეთსა და საქართველოს შორის საქმიანი ურთიერთობების გაღრმავებასა და ბიზნესის მიმართულებით თანამშრომლობის განვითარებაზე ისაუბრეს. დესისლავა ივანოვის თქმით, მისი ვიზიტის მიზანი პანდემიის პირობებში შექმნილი მდგომარეობის ფონზე თანამშრომლობის ფორმის ახალი გზების გამონახვაა